Udan, lan garrantzitsuak egin dira Sondikako eskolan, hala nola jantokia handitzea, sukaldea eta beste gela batzuk berritzea, jolas berriak ipintzea eta aparkalekua berritzea. Gainera, uztailean patioa estaltzeko lanak hasi ziren, eta, aurreikuspenen arabera, lanak urte amaierarako amaituko dira. Guztira 983.452 euro bideratuko dira kanpoko estalkia ipintzera.
Estalki finkoa izango da eta berari esker ikasleek, irakasleek eta langileek euren burua eguraldi txarretik eta euritik babestu ahalko dute eskolako ordutegian zein aisialdian. “Eusko Jaurlaritzari helarazi moduan, lekuaren ezaugarriak direla-eta ezinbestekoa da bertan estalkia ipintzea. Estalkiari eta Gorondabeko kiroldegiko azpiegiturei esker Sondikako eskolak lehen mailako instalazioak izango ditu”, esan du Xabier Zubiaur alkateak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).