Javi Allenderekin batera (Beste Bira Txorierri), beste atleta hauek osatu zuten taldea: Sergio Románek (Atlético San Sebastián), Asier Aranburuk (independentea) eta Javier Salinasek (42195.es). Klub ezberdinetan egon arren, korrikalariek indarrak batu zituzten eta lortu zuten munduko errekorra (08.36,22) haustea.
Bestalde, Xabier Zubiaur Sondikako alkateaz gainera, atzoko ekitaldian batu ziren Juango Anderez eta Jesus Rubianes, Euskadiko Atletismo Federazioko presidentea eta batzordekidea hurrenez hurren; Mikel Lejarreta, Bizkaiko Atletismo Federazioko kidea; Josu Andoni Begoña, Loiuko alkatea; Carlos Sergio Achotegui, Bizkaiko Foru Aldundiko kirol-zuzendaria; Hamid Ben Daoud, maratoiko Espainiako txapelduna; Manolo Sarabia, futbolari ohia; eta Migel Angel Gomez Viar, Garraioak eta Mugikortasun Jasangarria sustatzeko foru-diputatua. Era berean, senideak, lagunak eta Beste Bira Txorierri atletismo klubeko kideak hurbildu ziren udaletxera, omenduak babestera.