Naia Landa izango da EAJ alderdiaren alkategaia Sondikan

Udal hauteskundeak 2023ko maiatzean izango dira eta, horietarako, alderdiak hautagaiak eta zerrendak dabiltza erabakitzen. Sondikan, esate baterako, EAJk Naia Landa aukeratu du herriko alkategai. Landak 34 urte ditu eta graduatua da Gizarte-lanean. Gaur egun, Sestaoko egoitza batean egiten du lan eta Bizkaiko Batzar Nagusietako kidea ere bada.

Naia Landak Xabier Zubiaur egungo alkatea ordezkatu nahi du. Zubiarren Deia egunkariari esan duenez, “zikloa bete” du eta ez da udal hauteskundeetara berriro aurkeztuko. “Sondikak merezi egiten du. Herritarren ekarpenak hartzen dituen proiektu irekia da nirea”, adierazi dio Landak egunkari berari. Alkategaiak helbide elektronikoa zabaldu du, jendeak proposamenak han egiteko: naia@bizkaia.eu. “Umiltasunez, baina ausardiaz sondikoztarren konfiantza lortu nahi dut. Herriak aurrera egin behar du eta horretarako aintzat hartu behar dira herritarrak. Proiekturik onena prestatzeko, jendeari entzuteko garaia da”.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).