Batutako jostailuak-eta azokan ipiniko dituzte salgai, oso prezio merkean, eta batzen den dirua erabiliko dute elkartearen ekintzak ordaintzen laguntzeko. Nolanahi ere, azoka amaituta materialik sobera izanez gero, lehenengo eta behin eskolari eskainiko diote, eta gero erakunderen bati, banatu dezan. Guraso-elkartearen kideak txartelak banatu dituzte materiala eman dutenen artean, eta domekan ere txartelak banatuko dituzte erosleen artean. Herriko denda eta talde batzuek hainbat gauza eman dizkiete Gurondaganekoei zozketatu ditzaten, hala nola tablet bat, baloiak eta arropa, eta txarteldunek zozketa horietan parte hartu ahalko dute. Bestalde, txokolate beroa egongo da umeentzat.
Aurreko urteetan moduan, Gabonetako azoka antolatu du Sondikako eskolako Gorondagane guraso-elkarteak. Azoka domekan, abenduak 18, izango da 09:30etik 14:30era Ikurrinaren enparantzan; eguraldi txarra egonez gero, Goronda Beko frontoian egingo da. Elkarteko kideak hainbat materiala jaso dute aurreko egunetan, hala nola jostailuak, mozorroak eta liburuak, eta oraindik dago elkarteari materiala emateko aukera. Hortaz, baten batek jadanik erabiltzen ez duen materialik izanez gero, gurasoen elkartearen bulegora eraman dezake 08:45etik 09:00etara eta 16:00etatik 16:30era.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).