Bestalde, mozorroaren argazkia bidali beharko da aipatutako helbide elektronikora edo 646 366 331 telefono-zenbakira. Argazkia kalejira hasi baino lehen bidali beharko da, eta bidaltzen ez dutenek bertan hartu ahalko dute parte, baina ez dute saririk jasoko. Kalejira 20:30ean irtengo da Iturrikosolo kalearen eta Lehendakari Agirre kaleen bidegurutzetik irtengo da.
Mozorro-lehiaketan 18 urtetik gorako bizkaitarrek hartu ahalko dute parte; adingabeek ere izena eman ahalko dute, gurasoek edo tutoreek horretarako baimena emanez gero. Sondikako Inauterien Elkartearen partaideek, berriz, ezin izango dute saririk jaso. Epai-mahaia elkartearen bost kidek osatuko dute eta, erabakia hartzeko orduan, kontuan hartuko dituzte hurrengo irizpide hauek: originaltasuna, eskuz egina den eta eszenaratzea, mozorroaren kategorian; originaltasuna, egitura eta eszenaratzea, karrozaren kategorian; eta originaltasuna, eszenaratzea eta ikuskizuna, animazioaren kategorian.
Kategoria bakoitzeko hiru sari emango dira. Mozorrorik onenak 100 euro jasoko ditu saritzat; karrozarik onenak, 300 euro; eta animaziorik onenak, 200 euro. Kategoria bakoitzeko bigarrenak eta hirugarrenak golardo bana jasoko dute. Irabazleen izenak 20:00etan jakinaraziko dira agertokian. Saria eskuratu ahal izateko, irabazleek han egon beharko dute; bestela, saria ordezko bati emango diote. Ordezkorik egon ezean, ez da saririk emango. Diru-sariak bizum bidez bidaliko dira harremanetarako adierazitako telefono-zenbakietara.