Apirilaren 22an, 19:45ean, omenaldia egingo diete desanexio-prozesuan ibili ziren ordezkari politikoei. Ondoren, 20:00etan, kontzertua egingo du Xabi Aburruzaga trikitilariak eta agertokian hauek lagunduko diote: Olagüe talde koralak, Pentagrama kultura elkarteak, Gorantzaileak dantza taldeak, Txuma Olagüe abesbatzak, Ipar Elaiak txistu taldeak eta CD Gimnasia Bilbaok.
Euskal ezkontza hurrengo egunean, apirilaren 23an, izango da. Segizioa 12:00etan irtengo da Goronda Beko kiroldegitik, eta geldialdia eta antzezpena egingo dituzte hurrengo toki hauetan: Mitxine kalearen eta Iturrikosolo eta Lehendakari Agirre kaleen bidegurutzean, Goiri plazan eta Ten-geltokiaren aparkalekuan. Ekitaldia Goronda beko kiroldegian amaituko da eta bertan ere herri-bazkaria egingo da. Txartelak apirilaren 20ra arte hartu daitezke Goronda Beko kiroldegiko tabernan, Erretiratuen Etxean edo elkarte laguntzaileei erosita. Bestalde, 19:00etan, erromeria egongo da tren-geltokiaren aparkalekuan, Bentazaharreko Mutiko Alaiak taldearen eskutik. Sondikako Udalak euskal ezkontzara baserritarrez jantzita joateko deia egin egin die herritarrei, haiek ere udal-ekintzaren parte izan daitezen.