Hegalariak areto-futbol taldeak 27 urte ditu eta aurten Euskal Ligan ibili da lehian. Kirol aldetik, urtea ez da onena izan, 13. postuan gelditu baitira, baina denboraldia bukatu da eta, urtero moduan, taldekideek Hegalariak Eguna ospatuko dute ekainaren 17an, Sondikako San Joan zelaian. Klubekoek egitarau oparoa prestatu dute, egun osoan herritarrekin ondo pasatzeko.
Goizean, 10:00etan, klubeko beheko taldeek partidak jokatuko dituzte. Ostean, 13:15ean, pintxo-potea egingo da txosnan. Bazkaltzeko, paella erraldoia egingo dute eta horretarako salgai daude txartelak, bakoitza 10 euroren truke. Txartelak leku hauetan erosteko aukera dago: Batzokian, Amets eta Txamo tabernetan, eta Artebe eta Gorondabeko kiroldegietan.
Bingo batek bazkalostea girotuko du eta ostean, musikaren txanda izango da: Eki Kover Band taldea eta Dj Vithy arituko dira Sondikan. Klubak jaian parte-hartzeko deialdia egin die herritarrei.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
