Goizean, 10:00etatik aurrera, ateak irekiko dira, eta nahi duenak klubaren instalazioak ezagutzeko aukera izango du. Gainera, puzgarriak eta tailerrak eskainiko zaizkie umeei; 12:00etan, Sondikak Dinamo San Juan taldearen kontra jokatuko du kadete mailan. Hori bukatutakoan, trikipoteoa egingo da. Bazkaltzeko, paella erraldoia zerbitzatuko da. Tiket bakoitzak 10 euro balio ditu eta salgai ipini dira Basozabal zelaiko bulegoan (18:00tik 21:00etara). Era berean, zelaiko taberna irekita egongo da egun osoan eta, besteak beste, ogitartekoak eskainiko dira bertan.
Arratsaldean, 16:30ean, sariak banatuko dira eta ekitaldia amaitu bezain pronto, puzgarriak eta tailerrak egingo dira berriro. Jaia biribiltzeko, musika emanaldi bi antolatu dira: 19:30ean, dantzatzeko prest; eta 22:00etan, Five direction taldea arituko da. Klubak jaian parte hartzeko deia egin die herritarrei.