Umeen taldea osatu dute Hegalariak taldeko jokalariek, Pozgarri (Derio) taldeko jokalariek eta Indautxuko eskolako jokalariek. “Hiruren batasunari esker lortu dugu taldea aurrera ateratzea”, azaldu dute Hegalariak taldeko ordezkariek. “Gurean ume guztiek dituzte ateak zabalik. Gainera, aipatu beharra dago areto-futbola ez dela kirol garestia, eta, beraz, guztiontzako aukerak daude berton”.
Azken urteetan, Hegalariak Sondikako areto-taldeak ahalegin handia egin du kategoria guztietan taldea osatzeko. Hortaz, gaur egun taldea dute kategoria hauetan: aurrebenjamin, benjamin, ume, gazte eta nagusi. Gainera, bost urteko umeen taldea ere badute. Nolanahi ere, umeen kategorian bakarrik zortzi jokalari dituzte eta gustatuko litzaieke ume gehiagok beren proiektuarekin bat egitea; neskatoek zein mutikoek. Interesatuek taldera jo dezakete cdhegalariak@gmail.com helbide elektronikora idatzita, edo 610 207 814 (Oskar) eta 606 542 934 (Sobri) telefono-zenbakiei deituta.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).