Izena ematea nahitaezkoa izango da eta 10:00etan zenbakiak jaso behar dira karpan. Irteera San Joan landan egingo da 11:00etan, eta handik Pike Ganan gora: Ola auzoa, Txorierriko korridorean gaineko zubibidea, Erdikobaso bihurgunea eta Artxandako errepidea. Guztira kilometro biko ibilbidea: laburra, baina oso gogorra, azken kilometroak % 12ko desnibela baitu. Edozein txirrindulari da ongietorria, edozein adinetakoa, edozein bizikleta erabilita, baina elektrikoak ez dira sailkapenean kontuan hartuko.
Saioa bukatzen denean, bizikletek behera egin dute Sondikara. Jaitsiera neutralizatua izango da, eta antolatzaileek argibideei adi egotea eskatu diete parte-hartzaileei. Sariak 14:00etan banatuko dira karpan. Lehenengo hirurek garaikur bana jasoko dute. Eta domina bana hauek ere lortuko dute: gazteenak, nagusiak, janzkerarik bitxiena janzten duenak eta 11. postuan gelditzen denak.