2023/24ko denboraldiko kamisetan, aurretik, hiru osagai daude ikusgai: bularrean, Jack&Jones markako logotipoa, datozen denboraldi biotan sondikoztarren babeslea izango baita; eta horren gainean, jokalari bakoitzaren zenbakia eta taldearen armarria jarri dira. Atzean, zenbakia agertuko da berriro, aurrean baino handiagoa eta horren azpian, Suministros Eléctricos Bat babeslearen logotipoa. Zenbakiaren gainean, Hegalariak eta Sondika dago irakurgai eta Euskal Herriko zein Sondikako banderak ipini dituzte. Mahuka batean taldearen izena idatzi dute zuriz; eta bestean, herriarena.
Hegalariak taldeak datorren urteko kamiseta aurkeztu du
Hegalariak areto-futbol taldeak datorren urtean erabiliko duen kamiseta aurkeztu du gizarte-sareetan. Kamisetak taldearen betiko nortasunari eutsi dio, hau da, marra bertikalak ditu: lau urdinak dira eta hiru, beltzak. Mahukak eta lepoa ere badira beltzak. Lepoa biribila da. Kamiseta irailean jarriko da salgai. Diseinu berria klubaren talde guztiek erabiliko dute: talde nagusiak, Euskal Ligan dabilenak, baita haur eta gazte mailetakoek ere.