Sondikoztarrek baikor egingo diote aurre kanporaketari. Izan ere, aurreko urteetan, emaitza onak lortu dituzte Euskal Kopan; iaz, esate baterako, finalerdietara heldu ziren, baina han Zierbenaren kontra galdu zuten. Aurten ere ez da erraza izango. Artaromo taldeak Euskal Liga kategorian jokatu zuen iaz, Hegalariak taldea aritu zen txapelketa bera. Getxoztarrak faboritoak izango dira: batetik, kanporaketa etxean jokatuko dutelako; bestetik, 2022-2023ko denboraldian hobeto ibili zirelako: Artaromo zazpigarren postuan gelditu zen; eta sondikoztarrak, 13.ean.
Hauek dira gainerako kanporaketak: CD Sasikoa Durango-Lagun Onak CDA GDKO; CD Beti Araba D13 Futsal-Ibaialde Salburua FC; Hamaika Guk AAF-Aguraingo Oriamendi Lezao KE; KE Lauburu Ibarra Mahala-Martutene KE. FC Soloarte, FS Santurtzi eta Elorrioko Buskantza FKE taldeak zozketatik libre atera dira.