Ludoteka I hiru urtetik gorako umeek erabili dezakete Lehen Hezkuntzako 2. mailara arte, eta astelehenetik barikura arte dago zabalik 17:00etatik 19:00etara. Ludoteka II, bestalde, astelehenetik barikura bitartean, 17:00etatik 19:00etara, dago zabalik 3. eta 4. mailetako umeentzat; eta martitzenetik barikura, 17:00etatik 19:00etara, 5. eta 6. mailetako umeentzat. Gainera, zapatuetan ere, 17:00etatik 20:00etara, Txikigazteleku-zerbitzua emango da azken horientzat. Gaztetxoek instalazioak eta hango materiala eta jolasak erabili ahalko dituzte, eta zerbitzua apirilera arte emango da.
Gaztetxea DBHko 1. mailatik aurrerako gazteek erabili dezakete. Bere ordutegia da barikuetan eta zapatuetan, 17:00etatik 22:00etara, eta domeketan, 17:00etatik 21:00etara. Azaldu duten moduan, urtean hiru musika-ekitaldi edo ikuskizun egingo dira, eta bi gau-jai, 00:00ak arte eta begiraleek zainduta. Halaber, asteburuko txango bat egingo da.