Emakume Master Cup txapelketaren baitan, bost partida jokatuko dira Goronda Beko kiroldegian. Gainera, Alaia Uriarte Gordón sondikoztarra haietako batean arituko da: Uriartek Alejandra Bilyaken kontra jokatuko du 17:00etan. Gainerako partidak hurrengo hauek dira: 16:30ean, Malen Lamadrid, Larraitz Beltranen aurka; 17:30ean, Jaione Fernandez, Enara Juantorenaren kontra; 18:00etan, Zabaleta, Etxegarairen kontra; eta 18:30ean, Mendizabal, Ibarrolaren aurka.
Bestalde, domekan, XXV. Euskal Azoka izango da 10:00etatik 15:00etara, tren-geltokiko aparkalekuan. Azokan bertako produktuak ipiniko dira salgai, eta horrezaz gainera, hainbat ekintza izango dira goiz osoan zehar: Ipar Elaiak txistu-taldeak girotutako kalejira, umeentzako tailerrak (merkatuan) eta kaleko antzerkia. Era berean, dantza- eta kantu-poteoa egingo da Gorantzaileak dantza-taldearen, Ipar Elaiak txistu-taldearen eta Txuma Olagüe abesbatzaren eta talde koralaren eskutik; eta Bentazaharreko Mutiko Alaiak taldearen saioak goiza biribilduko du.