Erasoa gaitzesteaz gainera, elkartasuna eta babesa adierazi diete emakumeari eta beren senideei. “Ez dugu emakumeen aurkako inolako indarkeriarik onartzen eta emakumeak kontrolatu eta menderatu nahi dituzten ideia eta jarrera matxista guztiak gaitzesten ditugu”, esan dute komunikatuan. “Gertatutako erasoa ez da kasu isolatua. Indarkeria matxista egiturazkoa da, emakumeen eta gizonen arteko desberdintasunean eta diskriminazioan oinarrituta”. Sondikako Udalak eta Garrasia talde feministak elkarrekin lan egiteko konpromisoa hartu dute, jendarte feminista eta justu bat lortzeko eta indarkeria matxista ezabatzeko. Era berean, herritarrei deitu diete gaur 19:00etan Ikurrina enparantzan batzeko, eta edozein indarkeria-motaren aurka azaltzeko eta erasoa jasan duen emakumeari bakarrik ez dagoela adierazteko.
Elkarretaratzera deitu dute arratsalderako Sondikan, herrian izandako eraso matxista salatzeko
Ertzaintzak gizon bat atxilotu zuen astelehenean Sondikan, bikotekideak haren kontrako salaketa aurkeztu ondoren. Emakumeak salatu zuenez, gizonak bahitu zuen, tratu txarrak eman, eta sexu erasoa egin zion. Akusatua asteartean eraman zuten epailearen aurrean, eta horrek behin-behinean espetxeratzeko agindua eman zuen. Sondikako Udalak eta Garrasia talde feministak adierazpen bateratua kaleratu dute eraso matxista gaitzesteko, eta elkarretaratzera deitu dute gaur arratsalderako, 19:00etan, Ikurrina plazan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).