Alba Macrel enpresak eraikuntza-makineria egiten du eta bi lantegi ditu: bata Sondikan –egoitza soziala bertan dago–, eta bestea Miranda de Ebron dago. Guztira 74 langile ditu. Enpresa-batzordeak eskatzen du enpresaren zein lanpostuen etorkizuna bermatu daitezela. “Horretarako, nahitaez etorkizunera begiratuko duen industria-plan bat eta bideragarritasun-plan bat behar dira. Egungo jabeei edo etor daitekeen erosleei argi esango diegu Alba Macrelen etorkizuna bi planten bideragarritasunari eta lanpostuen eta lan-baldintzen mantentzeari lotuta dagoela. Horrela jakinarazi diogu enpresari eta konkurtsoko administratzaileari. Alba Macreleko komitea eta langileak enpresaren eta lanpostuen etorkizuna borrokatzeko prest gaude”.
Alba Macrel enpresaren etorkizuna bermatzeko eskatu dute langileek
LAB sindikatuak jakinarazi duenez, Alba Macrel Sondikako enpresak hartzekodunen konkurtsoa aurkeztu zuen apirilaren 19an. Sindikatuaren esanetan, azken urteetan enpresak “utzikeriaz jokatu du, egoera aspalditik erabakita egongo balitz moduan”. Azaldutakoaren arabera, enpresa-batzordeak aspalditik eskatu du industria-proiektua gauzatzeko eta salatu ditu, besteak beste, inbertsio falta, merkataritza-arloko baliabiderik eza eta makineria zaharra dela. “Ondorioz, ezin gara merkatuan lehiakorrak izan eta ezin diogu etorkizunari baikor begiratu, nahiz eta Alba Macrel Europan sektoreko enpresa historikoetako bat izan”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).