“Erabat gaitzesten ditugu oinarrizko eskubideen aurka doazen eta Udal gisa defendatzen ditugun balioen aurkako eraso zuzenak diren horrelako ekintzak”, esan du Sondikako Udalak. “Arrazakeriak ez du lekurik ez futbolean, ez Sondikan, ez beste inon. Diskriminazio mota oro baztertzen dugu, eta beti defendatuko dugu errespetuan, berdintasunean eta inklusibitatean oinarritutako gizartea. Gizarte honetan denok dugu tokia, gure nazionalitatea, kolorea, arraza, sexua edo sexu-orientazioa edozein dela ere”. Udalak babesa eta elkartasuna adierazi dio jokalariari. Beste alde batetik, Espainiako Futbol Federazioak eta Athleticek ere gaitzetsi dute eraso arrazista.
Sondikako Udalak gaitzetsi du Gift futbol-jokalariak jasandako eraso arrazista
Elijah Gift Izobodo futbol-jokalaria Sondikako bizilaguna da eta Baskonian jokatzen du. Asteburuan, 19 urtez azpiko Espainiako Selekzioarekin partida jokatu zuen Errumanian, eta partida amaituta jokalari errumaniar batek “nigga” esan zion. Hori ingelesezko mespretxuzko hitza da, arraza beltzeko pertsonei esaten zaiena. Sondikako Udalak Giftek jasandako eraso arrazista gaitzetsi du gizarte-sareetan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).