Musikarien, poeten eta itsuen zaindaria da Santa Zezilia, eta bere eguna azaroaren 22a da. Sondikan, berriz, barikuan, azaroak 15ean ospatuko dute. Horretarako, musika- eta dantza-ekitaldia prestatu dute. Hori 19:00etan izango da San Joan elizan, eta bertan parte hartuko dute Ipar Elaiak txistu-taldeak, Olague talde koralak, Txuma Olague abesbatzak, Pentagrama soinu-elkarteak eta Gorantzaileak dantza-taldeak. Sarrera doakoa izango da, baina dohaintzak jasoko dira Caritasi emateko.