Aurreko edizioetan bezala, kategoria bakoitzeko pintxorik onena sarituko da, eta puntuazio orokorrik onena duen establezimenduak jasoko du txapela. Gainera, bozketan parte hartzen diren pertsonen artean zozkatuko dira bi sari: lagun birentzako bazkaria edo afaria herriko jatetxe batean eta 30 euroko txartela herrian gastatzeko. Hurrengo hitzorduak maiatzaren 10ean (pintxo begetarianoa) eta ekainaren 14an (pintxo librea) izango dira.
Itsas zaporea nagusi izango da zapatuan Sondikan
“Sondika Pintxotan” egitasmo gastronomikoaren bigarren hitzordua zapatuan, irailak 5, izango da 19:00etatik 22:30era bitartean. Oraingo honetan, arraina izango da protagonista nagusia, eta pintxoak txapelketan parte hartzen duten tabernetan dastatu ahalko dira bi euroren truke: Miren & Juantxu, Amets, Tindaya, Gaztañaga Berria eta Batzokia. Gainera, Euskorleans musika-taldeak girotuko du egitasmoa.