Zainduz programaren baitan, Txorierriko Zerbitzuen Mankomunitateak hitzaldi bat antolatu du profesionalak ez diren zaintzaileentzat eta menpekotasuna duten pertsonen senideentzat. Hitzaldian landuko da menpekotasuna dutenekin nola hitz egin eta arreta nola eman. Hitzaldia ekainaren 17an izango da Sondikako Kultur Aretoa IIn, 17:00etatik 19:00etara, eta izena ematea aldez aurretik egin behar da 607 820 157 telefono-zenbakira deituta (egunetan, 08:30etik 13:30era) edo zainduztxorierri@gmail.com helbide elektronikora idatzita.