Datorren martitzenean, azaroak 11, Sondikan San Martin jaiak ospatuko dira. Udalaren hitzetan, festa horren helburua “elkarrekin gozatzea eta gure tradizioei eustea” da. Egitarauari dagokionez, festa goizeko 11:00etan hasiko da, Triki Xabierrek eskainitako kalejirarekin. 12:30etan, meza izango da. 13:15etan, ohorezko aurreskua egingo da Gorantzaileak Dantza Taldearen eskutik, eta honen ondoren, festa bukatzeko, Triki Xabierrek kalejirarekin jarraituko du.