Proposamen hau bozkatu egingo da, eta bertan familiak eta klaustroak eman ahalko du botoa. Parte-hartze minimoa kolektibo bakoitzaren ⅔ izan beharko da, eta aldeko boto minimoa, erdia baino bat gehiago kolektibo bakoitzean. Bozketa datorren eguenean, abenduak 11, izango da, eta kolektibo bakoitzak bozkatzeko leku bat izango du: LHko eraikinean, liburutegian kokatuko da, eta HHko eraikinean, sarreran. Seme-alabak bi etapetan izatekotan, familiek HHko eraikinean emango dute botoa. Bi tarte izango dira bozkatzeko: goizean, 8:30etatik 13:00etara, eta arratsaldean, 14:00etatik 17:00etara.
Proposamenaren inguruko salaketa
Hala ere, proposamen honen inguruko protestak ere izan dira. Izan ere, jantokiko monitoreek salatzen dute ordutegiaren txikitze honek haien lan-baldintzen txartzea ekarriko duela, jardunaldia txikitzeak “soldataren murrizketa eta prekarietatearen handitzea” ekarriko lukeelako haientzat, “irakasleentzat ez bezala”.