Hain zuzen ere, bertan, bake epaitegiko kudeaketak, herritarrei arreta eta gizarte zerbitzuak (gizarte langilea) jarriko dituzte. Erdiguneko HAZ irekitzea “funtsezko” proiektuetako bat da, eta ia 80.000 euro zuzendu ditu horretarako (68.119,12 euro egokitzapenerako eta 11.500 euro altzairuetarako, biak BEZ barik).
Sondikoztarren kudeaketak eta izapideak erraztuko dituela dio Naia Landa alkateak, udala erakunde gisa, jendearengana hurbilduz. “Kudeaketak eta burokrazia guztion egunerokotasunaren parte dira. Horregatik, behar bezala egokitutako leku batean, eroso eta hurbil, egin ahal izatea da Udal batek eskaini behar duen zerbitzua. Horregatik irekiko dugu HAZ hau”.