Sondikako Udalak 2026an gimnasioa erabiltzeagatik ordaindutako kostuaren % 50eko dirulaguntza emango die herrian erroldatutako 16 eta 25 urte bitarteko gazte langabeei, “baldin eta udal kiroldegiko urteko abonatuak badira”. Deialdiak 15.000 euroko aurrekontua dauka, eta gazteen artean kirola sustatzea du helburu. Laguntzak eskatzeko informazioa laster emango du Udalak ezagutzera, ohiko komunikazio bideetatik.