Jai usaina dago Zamudion; herria apaindu bakarrik falta da. Eguraldi Ona jai batzordeak beharrak egin dauz, eta azaroaren 11tik 15era bitartean publiko guztientzako ekitaldiak osatutako jai-egitaraua eskainiko deutsee zamudioztarrei.
Lagatzuk 10 urte bete dauz, eta euskera alkarteak jaiei hasierea emoteko ardurea hartuko dau azaroaren 11n, eguaztenean. Aurtengo jaietako Kartel Txapelketearen irabazleari saria emon ostean, kalejiran urtengo dira zamudioztarrak buruhandiek lagunduta.
Eguenean Mus eta Briska Txapelketak egingo dira Adintsuen Etxean, eta Lor eta Triki Take taldeek musikea iminiko deutsie barikuko gabari. Zapatuan egun zalapartatsua eukiko dabe zamudioztarrek. Ekintzak goiz-goizetik hasiko dira, eta eguerdiko 3etan herri-bazkaria egingo da indarrak barritzeko. Narcis Roca stuntmanak motorragaz oso iaioa dala erakutsiko dau Kotxozulo parkingnean, eta herriko koadrilek indarrak neurtzeko aukerea izango dabe hainbat probatan. The Uski´s, Obrint Pas eta Trikizio taldek txandea hartuko dabe gaueko 11etatik aurrera.
Eskualdeko mortzilarik onenak Zamudion egiten dabezala dinoe, eta hori egia ete dan egiaztatuko dogu domekan. Izan be, goizeko 9etan Mortzila Txapelketea egingo dabe bostgarren aldiz. Eta jaiei amaierea emoteko, etorkinei zuzendutako ekitaldi berezia egingo da arratsaldean, horreek be lekua izan dagien herriko jaietan.
Idi-probak eta azokea
Beste alde batetik, Lagun Probazaleak alkarteak idi-probak antolatu dabez azaroaren 6, 7 eta 9rako. Probak iluntzeko 8:30ean izango dira. Era berean, Euskadiko Limusin Abelgorrien XVII. Txapelketea egingo da azaroaren 7an, zapatuan. Txapelketea Zamudioko XXV. Azokearen barruan egingo dabe. Goizeko 11etan Behi Lehiaketea izango da eta eguerdiko ordu 1ean euskal txarri-okelaren dastatzea eskainiko da. Arratsaldeko 5etatik aurrera ogia egiteko tailerrak egongo dira umeentzat, eta arratsaldean zehar Zezen Lehiaketea egingo da.
Aurreko edizioetan legez, domekea azokako egun nagusia izango da. Azoka-gunean 85 saltoki iminiko dira eta, besteak beste, fruta, barazkiak, txakolina eta pastelak salduko dabez han. Txarribodaren erakusketa eta slow food gunea be egongo dira, batzuk aitatzearren.Goizean zehar Limusin Abelgorrien Txapelketeagaz jarraituko dabe eta ganadu erakusketea egingo da. Eguerdian txakolinaren eta gaztaiaren dastatzea izango da.
Jai-egitarauaAzaroaren 11n, eguaztenean. San Martin eguna
11:00: Meza nagusia
19:00: Txupina eta pregoia, Lagatzu euskera alkartearen eskutik
Kartel Txapelketearen irabazleari saria emotea
Gozokiak, eta kalejira buruhandiakaz
Azaroaren 12an, eguenean. San Martintxu eguna
11:00: Meza nagusia
Kopaua, frontoian
16:00: Mus eta Briska Txapelketak, Adintsuen Etxean
Azaroaren 13an, barikuan
17:00: Gazteentzako tailerrak
19:30: Batukada kalejira
23:00: Kontzertuak: Lor + Triki Take + Dj
Azaroaren 14an, zapatuan
11:00: Umeentzako jokoak eta puzgarriak
11:30: Kalejira
13:00: Fanfarrea, tabernarik taberna
15:00: Herri bazkaria, fanfarreak girotua
16:00: Narcis Rocaren motor erakustaldia, Kotxozulo parkingean
17:00: Koadrilen arteko erronka
20:30: Kontzertua elizan: ZK2 + Co
23:00: Kontzertuak: The Uski´s + Obrint Pas + Trikizio
Azaroaren 15ean, domekan
09:00: Mortzila V. Txapelketea
11:30: Kalejira
12:00: Meza Nagusia
12:30: Dantzak, Sabino Arana plazan
18:00: Etorkinentzako jarduerea