t: Txelu Revuelta, irakaslea
Ez, ez nabiltzue Berria-ren hitz kurutzatuak osotzen hasi aurretxuko argibideen ganean. Kontua da lehengo egunean, Iberdrolak Bilbon daukan egoitzatik paraje nenbilela, jauntxo barriek altzau eta gotortutako eraikinari begira lotu nintxakola. Segidan pentsau neban horren altuera handiko torrean bertako nagusien artean goitik beherako begiradak ugari izango zirala, ezinbestean.
Askoren esanetan, egun gizartea demokratikoagoa da, eta danok eskubide berberak izanik, gizon-emakumeen arteko hartu-emonak alkarrizketan eta eretxi trukaketan munarritu behar dira, guztiok onuradun izan gaitezan. Esan eta izan, halan beharko leuke…
Beraz, batzuetan sikeran, lankide-lagun hurkoaren ekarriari etenbako muzin egin ordez, jarri daigun horizontalidadea praktikan, zeharretara begituta.
Akabuan, gehienok albokoaren beharrizana dogun ibiltariak gara eta aldatsgora, bizkor edo oine-oine, alkarlanean bideak urratzen gabilz.
Bidean barrena, aukeran, neuk be nahiago dot goitik behera barik zeharretara begitu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).