Osagaiak (lau lagunentzat):
-4 makailao zati (200 gramokoak)
-12 Cherry tomate (garbituak)
-4 ziza (tiratan moztuak)
-Orioa eta gatza
-Aluminio-paper 4 lauki
Pikillo-saltsea egiteko:
-Kipula txiki bat
-6 pikillo piper
-200 ml esnegain
-Orioa eta gatza
Prestetako erea:
Tomateak eta zizak orio apur baten erregosiko doguz. Aluminio-paper bakotxaren erdian makailao zati bat ipiniko dogu eta hori orio apur batez igurtziko dogu. Gatza be botako deutsagu. Makailaoaren gainean tomateak eta zizak ipiniko doguz. Aluminio-paperak tolestu eta pakete txikiak egingo ditugu. Ondo itxita dagozala, labara sartuko ditugu 200 gradutan eta han 20-25 minutu inguru eukiko doguz. Makailao zatiak paperetik atera eta bakotxa plater baten ipiniko dogu. Pikillo-satsa bategaz lagunduko doguz.
Pikillo-saltsea: Kipulea oriotan erregosiko dogu. Pikillo piperrak eta esnegaina gehituko doguz. Horreek apur bat egosi eta irabiauko doguz. Behar dauen gatza botako deutsagu saltseari.
Sukaldaritza