Urtea barriz, asmotan gabilz

Urtea etorri eta asmo barriak barik, zaharrak barri sarri. Aurton be, danerik entzun da: euskeraz gehiago irakurri, trastelekuko txirringari ugerra kendu, ingelesari emon, bidaian joan, etxekoakaz astitsu ibili… Asmoak asmo, funtsezkoa gogoa izatea da, hortxe dago untzea. Neuk be, burua lar urratu barik, 2015erako asmo-proposamena egiteko atrebimendua euki dot. Segidukoak gizon-emakumeen arteko hartu-emonak hobetzekoak dira, pentsaurik gauza onik egingo badogu, fatxada hutsean lotu barik, fatxadazko zeozer egin behar dogula: -Emon daigun pausu txiki bat, garrantzitsua da-ta. Jarrera-jokaerak ez dira goizetik gauera aldatzen, aldaketa gitxigaz osatuten doaz. -Etsita, ezer be aldatzerik ez dagoala esan ordez, ekinalean ibili. -Ernegauta ez, egon gaitezan umoretsuago. Aldarte oneko danontzako probetxu. -Etorkizuneko kontuetan babestu beharrean, oratu orainari, berau dogu-ta egitekoa. -Emon deiogun laguntza makal dabilenari, lehenbailehen maila bereko partaide izan daiten. -Alkarren lehian ibili barik, alkarrenera ekarri. Ni, behinik behin, urte beranduan trikili-trakala baina eginean-eginean bagoazela ikusita, zorioneko. Bitartean, osasuna, pakea eta lapikoa guztiontzako ondo betea!