Errezeta: Maite Lekerika
Osagaiak (4 lagunentzako):
4 berdel (hazurra kenduta)
Zainzuri-lata bat (ertaina)
16 txirla eder
Perejila
Oliba orio-zurrusta bat
Ardao zuri-zurrusta bat
Koilarakada erdi urin
4 berakatz-atal
Kipula erdia (tiratan)
Prestetako erea:
Eltze baten orioa ipiniko dogu. Kipulea eta berakatzak gehitu eta erregosiko doguz. Zainzurien ura eta ardao zuria urinagaz nahastuko dogu. Barazkiei gehituko deutsegu. Perejila, zainzuriak eta txirlak botako doguz. Eltzeari estalgia ipini eta su eztitan eukiko dogu, harik eta txirlak zabaltzen diran arte. Berdel-xerrak kontu handiz sartuko doguz. Estalgia ipini eta su eztitan bost minutuan eukiko dogu. Saltsea lodiegi badago, ur apur bat gehituko dogu.