Errezeta: Maite Lekerika
Osagaiak (4 lagunentzat):
4 hegaluze-xerra
Kipula 2 (tiratan ebagita)
Piper berde 2
200 ml oliba-orio
Pipermin gorri bat
Gatza
100 ml ardao zuri
Prestetako erea
Kipula su eztitan erregosiko dogu. Erdi eginda dagoanean, piperrak eta pipermina gehituko doguz. Eginda dagozanean aterako doguz. Hegaluzeari gatza bota eta urineztatuko dogu. Barazkiak egin diran oriotan fritituko dogu, su eztitan, baina gorritu barik. Buelta emon eta ardaoa botako dogu. Minutu bi pasau ondoren, barazkiak botako deutsaguz gainetik. Estalgia ipiniko deutsagu minutu pare batean eta eginda daukagu.