Ongi etorria eman diote “Pika”ri

Pasa den zapatuan hainbat lagun eta senide batu ziren Zamudioko Herriko Plazan, Arkaitz Hormaetxe “Pika”ri ongi etorria emateko. Amnistiaren Aldeko Mugimendua, gazte mugimendua eta ezker abertzaleko ordezkariek ere parte hartu zuten ekitaldian. Ostean, triki-kalejira eta bazkaria egin zituzten. Bazkarian 170 bat lagun elkartu ziren. “Pika”, urtarrilaren 29an irten zen Aranjuezeko espetxetik, 12.000 euroko bermea ordainduta.