Derio-Zamudio Lasterketa

Irailaren 16an, domekaz, XV. Derio-Zamudio lasterketa egingo dute. Lasterketa goizeko 11etan aterako da Derioko kiroldegitik eta eguerdiko 1:30ak aldera amaituko da Gazituaga futbol zelaian. Partehartzaileek ibilbide bi izango dituzte aukeran: A lasterketa (4000 m) eta B lasterketa (8000 m). Izen-ematea lasterketa hasi baino ordu erdi lehenago arte egin daiteke. Partehartzaile guztiek sari bana jasoko dute helmugan. Horrezaz gainera, mikrobus bat edukiko dute arropa eramateko eta Deriora bueltatzeko. Zamudioko kiroldegiko dutxak erabiltzeko aukera ere izango dute. Lasterketa Zamudio eta Derioko Udalek antolatzen dute eta egun horretan batzen den diru guztia Mugarik Gabe gobernuz kanpoko erakundeari emango diote.