Argazkiak: Egoitz Mozo
Atzo arratsaldean zalaparta handia izan zen Zamudion, Leizaola Lehendakari plazako etxe baten teilatuaren gailurrean sai bat agertu zen-eta. Animaliak ikusmin handia sortu zuen eta bertara hainbat ume eta ez hain ume hurbildu ziren. Hegaztiak ordubete eman zuen teilatuan.
Base Gorriko langile bat eta suhiltzaileak animalia erreskatatzen saiatu ziren, hori gaixorik egongo zela pentsatuta. Baina ezinezkoa izan zen eta, saiak hegoak astintzen zituela ikusita, uxatu zuten lapikoko estalkiak erabiliz. Animalia Zamudiotorrera abiatu eta hango teilatuan pausatu zen. Gauean zehar bertatik alde egin zuen.
Bi hipotesi kontuan hartu izan dira, saia herrian agertu izana justifikatzeko: bata, gaixorik zegoela eta bestea, haize-korronteek bertaraino eraman zutela.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).