Domekan Harrizulatzaileen Euskal Herriko IX. Ligaren azken proba egingo dute Hondarribian. Saioa arratsaldeko 7etan izango da San Pedro kalean eta bertan 10 taldek parte hartuko dute; Txorierri taldea, haien artean. Txorierri taldeak bigarren postua du Ligaren rankinean, izan ere, orain arte egin diren probetan 61 puntu (1182,00 cm) lortu ditu. Lehenengo postuan Jaizubia taldea dago: 79 puntu (1330, 40 cm).