Kanpomartxo ospatuko dute Martiartun

Berbots Erandion Euskaraz! taldeak Kanpomartxo jaia antolatu du domekarako. Ekimena eguerdiko 12etatik aurrera izango da Martiartun, Goierrin. Antolatzaileek prestatu duten egitaraua hemen duzue: 12:00: Herriko dantza taldeak. 13:00: Bertsolariak; Xabier Paia versus Aitor Mendiluze. 14:30: Herri bazkaria (nork berea eginda). 17:00: Betiko kantuak Kepa Arrizabalaga eta Roberto Etxebarriarekin, mahaiaren inguruan bazkalosteko goxoa egiteko. Bitartean umeentzako antzerkia (Zirika Zirkus) egongo da. 18:00: Erromeria Tapia eta Leturia taldearekin. Horrezaz gainera, hainbat ekitaldi izango dira egun osoan zehar: musika, umeentzako puzgarriak, arku jaurtiketa, jokoa eta taloa, besteak beste.