Gezi-Bide Derioko klubak arku-tiroketaren erakustaldia egingo du maiatzaren 4an Zamudion. Ekitaldia Torrelarragoiti industrigunea eta Oxinaga auzoa lotzen dituen bidean izango da, eta ibilbide horretan zehar hiru dimentsioko animaliak jarriko dituzte diana moduan. Era berean, uharka txiki bat altxatuko dute, bertan ahateak ipintzeko.
Arku-tiroketan federatuta dauden arkulari guztiek hartu ahalko dute parte; hala ere, diana bat atonduko dute nahi duenak saiakera egin dezan. Proba goizeko 9etan hasiko da, eta helburu bi ditu: alde batetik, arkulariek entrenamendua egitea Espainiako Txapelketari begira; eta beste alde batetik, kirol hau herritarrei hurbiltzea. Espainiako Txapelketa maiatzaren 9etan izango da Salamancan, eta han Joseba Alzibar zamudioztarra, besteak beste, arituko da lehian.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).