Argazkiak: DAT
Zapatuan Derioko VIII. Argazki Rallyaren sari-banaketa egin zen Gurea Aretoan. Ekitaldian 30 lagun inguru batu ziren.
Rallya Derioko Argazki Taldeak (DAT) antolatzen du urtero, eta arduradunek hiru sari banatu dituzte aurten. Irabazleak hauek izan dira: argazki-bildumarik onena, Nerea Negro; argazkirik onena, Susana Calleja; eta argazkirik originalena, Mikel Martin. Lehenengo sailkatuak 150 euro jaso zuen saritzat; eta bigarrenak, 100 euro. Hirugarren sailkatuari 75 euroko txartela eman zioten, Derioko Dendarien Elkartearen kide diren dendetan erosteko.
Sariak banatzeaz gainera, finalisten argazkiak ez ezik parte-hartzaile guztien argazkiak ere proiektatu ziren Gurea Aretoan. Ekitaldia amaitu ondoren, bazkaria egin zuten argazki taldekoek Lezamako sagardotegi batean, elkartearen 25. urteurrena ospatzeko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).