Europako Mugikortasun Iraunkorraren Astearen haritik, ekintzak egingo dituzte Zamudion, irailetik 17tik 22ra bitartean. Bihar, hilaren 17an, bide segurtasun aholkuak emango dira Lehendakari Agirre plazan, 17:00etatik 19:00etara, eta barikuan umeentzako kale antzerkia egongo da Sabino Arana plazan, 18:00etan. Bestalde, Zamudioko zikloturista zapatuan izango da eta parte hartzaileak 11:00etan aterako dira Bidekoetxe partetik. Egun osoan zehar zenbait ekitaldi egongo dira; bazkaria eta erromeria, tartean. Azkenik, irailaren 22an, martitzenean, trafikorako itxiko dira Mendiko, Oiz eta Arbolantxa kaleak, 9:00etatik 18:00etara.
Sondikak ere bat egingo du Mugikortasun Iraunkorraren Astearekin. Hala, herri martxa antolatu dute domekarako. Irteera eta helmuga Artebe kiroldegia izango da eta martxak ordu bi iraungo du.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).