Izan ere, bertan “D Magia Gozoa Jaialdia” egingo da zapatuan eta domekan. Hori herriko kaleak magia ikuskizunez eta gozogintza mota ezberdinetako postuez beteko duen jaialdia da eta helburu bi ditu: alde batetik, herritarrak eta bisitariak magiaz gozatzera animatzea; eta bestetik, herriko ostalaritza dinamizatzea. Horrela, bada, pintxo-pote bat ere antolatuko da zapatuan eta bertan 20 tabernak baino gehiagok hartuko dute parte. Era berean, magia saioak egongo dira, gozogintza azoka, elektrotxaranga eta magoen kalejira tabernaz taberna.