Mila lagun baino gehiago, osasunaren aldeko martxan

Orotara, 1.337 pertsonak hartu zuten parte apirilaren 17an egindako osasunaren aldeko lasterketan eta martxan. Ibilbidea Larrabetzu eta Lezama artean atondu zen, eta hiru aukera eman zitzaien parte-hartzaileei: martxa txikia, sei kilometrokoa; helduen martxa, 10 kilometrokoa; eta helduen lasterketa, 10 kilometrokoa. Ekintza Txorierriko Zerbitzuen Mankomunitateak antolatu du hirugarren aldiz, eta adierazi duten bezala, 5.848 euro batu dira. Dirua hurrengo elkarte hauen artean banatuko dute: Garmitxa, janaririk hartu ezin duten umeen elkartea; AprendeTEA, autismoa eta Asperger dituzten familien prestakuntza eta aisiaren sustapenerako elkartea; Aspace, garun-paralitikoen elkartea; eta Cornelia de Lange nahasmendu genetikoa dutenen elkartea.