Bihar, apirilaren 8an, inauguratuko da Bilboko metroko hirugarren línea, Etxebarri eta Matiko lotzen dituena, eta honekin batera baita Etxebarritik Lezamara doan trenbidea ere. Zerbitzu berria 11:35ean hasiko da Lezaman, eta tren hori Etxebarriraino helduko da, Kurtze, Zamudio, Lekunbiz, Derio, Elotxelerri, Larrondo, Sondika, Ola, Matiko, Uribarri, Zazpi Kaleak, Zurbaranbarri, Txurdinaga eta Otxarkoagako geltokietatik pasatu ostean. Inaugurazioaren haritik, bihar, trena doanekoa izango da 20:00ak arte.
Linea, geltokiak eta trenak berriztu dituzte eta, gainera, ordutegiak hobeak izango dira. Izan ere, maiztasuna, puntako orduetan handiagoa izango da, 15 minuturo, alegia. Haraneko orduetan, berriz, ordutegiak betikoak izango dira, 30 minuturo. Azken hilabeteotan lanak egon dira eta horrek eragozpenak ekarri dizkigu txorierritarroi. Ondorioz, Sondikatik Bilbora zuzenean joan beharrean, trenak Lutxanaraino eramaten gintuen eta, handik, metroa hartu behar genuen. Erandio eta Loiuko udalek eskatu dute Lutxanako lotura horri eustea, eta momentuz eutsiko diote, baina bakarrik astegunetan.
Ordutegi berriak lotura honetan daude irakurgai.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
