“Hainbat herritar kezkatuta agertu dira eta sinadurak batu dituzte. Guk bat egin dugu kezkarekin eta sinadurak eraman dizkiegu partzuergokoei. Era berean, prezioak jaisteko eskatu diegu. Garraiobideen arduradunek gure kezka aztertuko dutela esan digute”, esan digu Igotz López Zamudioko alkateak.
Lezamako tren-zerbitzua apirilaren 8an ipini zen berriro martxan, eta harrezkero, hileko bidaia-txartelen prezioa garestiagoa da, % 30, hain zuzen ere. Gainera, bonuak bakarrik 30 egunetan zehar erabili ahal dira eta hori, alkateek plazaratu duten ohar baten arabera, desabantaila bat ekartzen digu txorierritarroi, metroko L1 eta L2ko erabiltzaileekin konparatuta.