Zerbitzua duela urte bi jarri zen martxan, eta trena Lezamako trenaren lineako lanek iraun zuten bitartean ibili zen. Lanak bukatutakoan, Euskotrenek iragarri zuen tren-zerbitzua sei hilabetean mantenduko zuela, errentagarria zen ala ez erabakitzeko. Eta azkenean, badirudi errentagarria dela. Normalean, egunero 50-70 lagunek erabiltzen dute linea. Bestetik, Erandio eta Loiuko Udalek eskatu dute Lutxanarako loturari eustea.
Beraz, zerbitzuak jarraituko du, baina, ziur asko, maiztasunak eta tren-kopurua erabiltzaileen beharrizanetara egokituko dira, linearen efizientzia bermatzeko. Gainera, Euskotrenek trenak ahalik eta oztopo gutxien sortzea nahi du, Txorierrin zehar zenbait trenbide-pasagunetatik igarotzen delako. Ez da Lutxanako trena ixten den lehenengo aldia. 1975ean zerbitzua eten zen, trenbideko egoera txarra zela-eta. Trena 1980an inauguratu zen berriro, baina 1997an bigarren aldiz kendu zen, bidaiari gutxi zegoelako.