Era berean, 41 miaketa egin ziren eta CUPeko egoitzan ere azaldu ziren, baina polizia nazionalak handik alde egin behar izan zuen, epailearen agindua ez zelako ailegatzen.
Euskal Herrian zein Estatuan elkarretaratzeak izan dira Kataluniarekiko elkartasuna adierazteko eta Kataluniako erreferendumaren kontrako makro-operazioa salatzeko. Elkarretaratzeak Txorierrin ere izan dira eta parte hartzaileek esteladak, ikurrinak eta erreferendumaren aldeko banderak eraman dituzte. Argazkia Zamudion egin zen elkarretaratzearena da. Bestalde, Larrabetzuko udalbatzak aho batez onartu zuen EH Bilduk aurkeztutako "Kataluniarekin bat. Demokraziarekin bat" mozioa.