David Fernàndezek (CUPeko ahalduna izan zena), Laura Mintegik eta Iñaki Zarraoak Lezamako pilotalekuan egindako mahai-inguru batean hartu zuten parte. Fernàndez ezin izan zen Lezamara hurbildu, Katalunian azken egunotan bizi ari diren egora dela-eta, baina mahai-inguruan streaming bidez eman zuen hango egoeraren berri. Bestalde, Josu Bergara eta Feliu Ventura kantautoreek musika saioa eskaini zuten. Hurrengo egunean, bat egin zuten Zamudion euskal eta katalan kulturek. Hala, kalejiran atera ziren suzko deabruak, Manresatik etorritako La Gatzara kultur elkartearen eskutik. Tailerrak ere egin ziren, dantzak, kopla saioa, herri bazkaria eta bertsolariak eta glosadorsak aritu ziren bat-batean. Suzko deabruek gaua argitu zuten beren piroteknia-ikuskizunarekin.