Beste Bira Txorierri atletismo taldea Loiukoa da, baina orain Derion ere arituko da. Beraz, nahi duten neska-mutilek atletismo eskolak jasoko dituzte Derioko kiroldegian, barikuetan, 17:30etatik 19:00etara bitartean. Orain arte taldea Larrondoko pilotalekuan bakarrik aritu da, martitzenetan eta egunenetan, ordutegi berean.
Beste Bira Txorierri atletismo taldea iaz sortu zuten. Horrek atletismoa bultzatzea eta bailarako gazteei kirol horretan murgiltzeko aukera ematea ditu helburu. Guztira, 40 atleta dabiltza taldean, bost urtetik beteranoen kategoriara bitartean. Azken bolada honetan, emaitza onak lortu dituzte, eta horrek adierazten du taldean lan txukuna egiten dabiltzala: nagusiek zortzigarren postua lortu zuten Kross Bizkaiko Txapelketan; eta abenduan 31n Bizkaian egindako San Silvestre lasterketetan, Loiuko atletak lehenengo postuetan ibili ziren.
Informazio gehiago:
609417996
ibsolaberrieta@gmail.com
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).