Egonaldiotan Batxilergoko edozein ikaslek har dezake parte, baldin eta Txorierriko sei udalerrietako batean erroldatuta badago.
Guztira, 23 enpresak hartu dute parte ekimenean, besteak beste, ITP, ZIV, IMQ Zorroaurre Klinika, Matrici, Gestamp, FCAA, Bizkaiko Foru Aldundiko Mendi Zerbitzua eta Derioko Ikastetxe Publikoa. Enpresa horietan guztietan, batxilergoko ikasleek aukera izango dute profesional batekin egoteko. Horrela, sortzen zaizkien zalantzak eta galderak egin ahal izango dituzte.
Egitasmo honen barruan, enpresetako egonaldiez gain, ikasleek bisitak egin ahal izango dituzte zenbait enpresa eta erakundetara (Euskotrenera eta Basurtuko Ospitalera, adibidez), eta sektore-mahaiak ere egingo dira: IDDTEK eta ZIV bezalako enpresetako profesionalak ikastetxeetara joango dira, gazteei enpresaren errealitatea zuzenean erakusteko.