Era berean, herri bietan onartu da herri galdeketaren aldeko adierazpen instituzionala, herritarrek bertan parte hartzera animatuz.
Zamudion galdera hau egingo da: Euskal herritarra izanik, geure etorkizuna libre erabakitzeko eskubidearen alde zagoz? Eta Lezaman beste hau: Euskal Herri burujabe bateko herritarra izan gura dozu?
Galdeketa 09:00etatik 20:00etara izango da Zamudioko Leizaola lehendakaria, 7 kalean; eta Lezamako Herriko Plazan ipiniko den karpa batean. Bestetik, botoa aldez aurretik emateko aukera ere egongo da. Zamudion, Leizaola lehendakaria kaleko lokalean eman ahal izango da maiatzaren 4an, 12:00etatik 14:00etara eta 18:30etik 20:30era; eta maiatzaren 5ean, 12:00etatik 14:00etara. Lezamarrek Aretxalde 68 kaleko lokalean eman ahalko dute aurretiko botoa, maiatzaren 3an eta 4an, 18:30etik 20:30era; eta maiatzaren 5ean, 12:30etik 14:30era.