Gaitasun digitalak hobetzeko doako ikastaroa

Ikastaroa ekainaren 22an eta 23an egingo da Bilboko Euskararen Etxean, eta publiko orokorrari zuzendutako 12 ordutako ikastaro teoriko-praktikoa izango da, Azkue Fundazioak eta Talaios kooperatibak elkarlanean landutakoa.

Hiru gai landuko dira: batetik, gaitasun digitalaren markoa -DIGCOMP-, irakasleei eta ikasleei eskatzen dizkion gaitasunak ezagutzeko eta lantzeko tresnak emanez; bestetik, NIA (PLE) zer den eta hori eratzeko tresna eta estrategia posibleak landuko dira; eta azkenik, bizi osorako formazioa eta joerak aztertuko dira.

Ikastaroa hiru saiotan banatuko da; ekainaren 22an, barikuan, 10:00etatik 14:00etara eta 15:30etik 19:30era; eta ekainaren 23an, zapatuan, 10:00etatik 14:00etara. Ikastaroa Talaios Kooperatibako kideek gidatuko dute. Bertan parte hartzeko, Azkue Fundazioaren webguneko inprimakia bete behar da.