Atzo, eta Gure Esku Dago dinamikak antolatuta, giza katea egin zen Donostia, Bilbo eta Gasteiz batzeko. Antolatzaileen esanetan, 175.000 pertsonak baino gehiagok hartu zuten parte ekintzan eta, eskutik helduta, 202 kilometro batu zituzten erabakitzeko eskubidearen alde. Eta horien artean, 1.500 txorierritar inguru, 105., 106., eta 107. kilometroetan.
Txorierritarrak oinez, bizikletaz eta autobusez hurbildu ziren Erletxetako inguruetara eta, antolatzaileek adierazitakoaren arabera, oso giro ona egon zen goiz osoan zehar. Gainera, pozik azaldu dira txorierritarrek deiari emandako erantzunarekin. Arratsaldean, batzuek bat egin zuten Larrabetzun antolatutako festarekin, eta beste batzuk Bilbora joan ziren, bertan aldarrikapenari jarraipena emateko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).